4 Landa Ferð
Suður Afríka, Botsvana, Namibía og Simbabve. Upplifðu töfra Höfðaborgar, einstaklega fjölskrúðugt dýralíf Botsvana og Namibíu og, síðast en ekki síst, skynjaðu orku Viktoríufossa í Simbabve
Dagur 1 – Brottför
Dagur 2 – Komið til Suður-Afríku
Dagur 3 – Höfðaskagi, Suður Afríka
Dagur 4 – Vínekrur Suður-Afríka
Dagur 5 – Frjáls dagur í Höfðaborg
Dagur 6 – Flogið til Botsvana
Dagur 7 – Moremi, Botsvana
Dagur 8 – Útsýnisflug yfir Okavango Delta
Dagur 9 – Divava, Namibía
Dagur 10 – Divava, Namibía
Dagur 11 – Namushasha, Namibía
Dagur 12 – Chobe í Botsvana
Dagur 13 – Chobe í Botsvana
Dagur 14 – Viktoríufossar, Simbabve
Dagur 15 – Viktoríufossar
Dagur 16 – Viktoríufossar
Dagur 17 – Brottför
Dagur 18 – Heimkoma
Dagur 2 - Komið til Suður-Afríku
Lent snemma morguns í Höfðaborg, þar sem fararstjóri tekur á móti hópnum ásamt bílstjóra sem verður með okkur í Suður-Afríku. Við komu verður farið beint á “Waterfront”, í hafnarhverfið fræga, og hádegisverður snæddur. Eftir málsverðinn gefst tími til að innrita sig á hótelið og slaka á fyrir ferð á Borðfjall (Table Mountain).
Við hittumst seinni partinn til að fara á Borðfjall, frægt stapafjall sem gnæfir yfir Höfðaborg. Við förum með kláfi á tindinn, þar sem tími gefst til að njóta magnaðs útsýnis yfir borgina. Við njótum sólsetursdrykkjar og snarls á fjallinu.
| Gisting | Máltíðir | Akstur | Innifaldar ferðir |
|---|---|---|---|
|
H, K
|
25 km | u.þ.b. 45 min. akstur frá flugvelli
|
Borðfjall (Table Mountain)
|
Dagur 3 - Höfðaskagi (Cape Peninsula)
Eftir morgunverð er farið á Höfðaskaga (Cape Peninsula). Ekið er meðfram fallegum strandbæjum – Camps Bay, Clifton, Hout Bay og Chapmans. Allir þessir bæir eru þekktir fyrir einstakar strendur.
Við höfum viðkomu á einum besta útsýnisstað Suður-Afríku, Cape Point, þar sem við njótum þess að skoða stórbrotna náttúruna.
Um hádegi förum við til Simonstown til að fara á Boulders-strönd, sem er einkar falleg, ein af vinsælustu ströndum Höfðaborgar og eini staðurinn í heiminum þar sem hægt er að komast nálægt afrískum mörgæsum.
Boðið verður upp á hádegisverð á leiðinni.
Þriggja rétta kvöldverður með menningarlegu ívafi verður að lokum snæddur í Höfðaborg.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Allur dagurinn í skipulagðri ferð
|
Höfðaskagi
|
Dagur 4 - Vínekrur Suður-Afríku
Eftir morgunverð verður haldið í heilsdagsferð frá Höfðaborg til nokkurra af fjölmörgum vínekrum Suður-Afríku.
Við rætur Boland-fjalla liggur vínekruhéraðið Cape Winelands, sem er víðfrægt fyrir nokkur af bestu vínum heims. Við heimsækjum bæinn Stellenbosch, sem er þekktur háskólabær, umvafinn fjöllum og vínekrum.
Næst upplifum við þrjár vínekrur með öllum skilningarvitunum, með vínsmökkun og fræðslu. Nöfn vínekranna verða staðfest á staðnum.
Boðið er upp á hádegisverð á leiðinni.
Kvöldverður í Höfðaborg.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Heill dagur
|
Vínekrur Suður-Afríku
|
Dagur 5 - Frjáls dagur í Höfðaborg
Í dag er frjáls tími í Höfðaborg og fjölmargt er í boði á þeim magnaða stað.
M.a. er hægt að bóka sig í ferð til Robben Island þar sem Nelson Mandela var haldið í 18 ár af 27 ára fangelsistíma hans, klífa fjallið Lion‘s Head eða jafnvel fara í golf. Fararstjóri verður til staðar til að aðstoða við bókanir.
| Gisting | Máltíðir | Akstur | Innifaldar ferðir |
|---|---|---|---|
|
M
|
|
|
Dagur 6 - Flogið til Botsvana
Flogið er frá Höfðaborg til bæjarins Maun í Botsvana klukkan 10:35. Við lendum kl. 13:10 í Maun. Þegar við komum þangað hittum við bílstjóra sem ekur okkur inn í hjarta landsvæðis sem nefnist Okavango Delta, eða óshólma Okavangofljóts. Nú taka við tvær ævintýralegar nætur í einstökum tjaldbúðum, sem voru settar upp sérstaklega inni í þjóðgarðinum til að gera okkur kleift að njóta feikilega fjölskrúðugs dýralífs á svæðinu.
Safarítjaldbúðir.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
U.þ.b. 3 klst akstur frá flugvelli til tjaldbúða
|
Safaríferð á leiðinni í búðirnar
|
Dagur 7 - Moremi
Í dag njótum við dýralífsins í Moremi-þjóðgarðinum, í Okavango Delta, beint frá tjaldbúðunum.
Í boði verða tvær hálfs dags safaríferðir inni í þjóðgarðinum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
Heill dagur í safarí
|
Dagur 8 - Flogið að landamærum Namibíu
Frá þjóðgarðinum ökum við að næsta flugvelli og förum þar í einkaflugvél sem fer með okkur að landamærum Namibíu. Flugið býður upp á magnað útsýni yfir víðfrægt votlendi Okavango Delta.
Þegar við lendum á flugvelli þorpsins Shakawe verðum við sótt og ekið verður með okkur í 30-60 mínútur yfir landamærin til Divava-búðanna. Þá tekur við ævintýraferð í Namibíu, um víðkunna landræmu sem nefnist Caprivi. Hún er 450 km löng frá vestri til austurs og 32 km breið frá suðri til norðurs. Caprivi liggur að Angóla, Botsvana og Sambíu og er einungis einum km vestan við Simbabve. Þar er fjölskrúðugt dýralíf, á meðal tegundanna má nefna afríska villihundinn (African Wild Dog), sem er í útrýmingarhættu, svo og fjöldann allan af fílum sem fara um Caprivi á árstíðabundnum ferðum sínum á milli Botsvana, Namibíu, Angóla, Sambíu eða Simbabve.
Þegar við komum í búðirnar gefst tími til slökunar á einum af þeim gististöðum sem við hjá Obeo Afríku höldum mest upp á. Hægt er að slaka á við sundlaugina, skreppa í nudd eða hvað sem hentar hverjum og einum til að njóta lífsins á þessum fallega stað. Gististaðurinn er svo sérstakur að við gerum ráð fyrir gistingu þar í þrjár nætur. M.a. er tilvalið til að nýta þvottaþjónustu sem búðirnar bjóða upp á gegn smávægilegu gjaldi.
Hádegisverður og kvöldverður snæddur í búðunum
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
1 klst einkaflug + u.þ.b. 30-60 mín. akstur
|
Útsýnisflug
|
Dagur 9 - Divava
Um morguninn heimsækjum við lítið þorp í nágrenninu. Íbúar Kavango taka á móti okkur í þorpinu sínu og sýna okkur hvernig þeir rækta nytjaplöntur, töfra fram mat og drykk og margt fleira. Við fræðumst um menningu þeirra og fáum að sjá hefðbundna dansa.
Eftir hádegi förum við í bátsferð um Okavangofljót. Hér er hægt að skoða krókódíla, flóðhesta og fjölskrúðugt fuglalíf. Rétt fyrir sólarlag siglum við að Popafossum (Popa Falls) og boðið verður upp á drykki og snarl við sólsetur á þessum fagra stað.
Hádegisverður og kvöldverður snæddur í búðunum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
Heimsókn í Kavango-þorp og bátsferð á Okavango
|
Dagur 10 - Divava
Núna gefst heill dagur til hvíldar. Tilvalið er að njóta útsýnisins, sundlaugarinnar, sólsetursdrykkjar og einhenda sér í að slaka á.
Hádegisverður og kvöldverður í búðunum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
|
Dagur 11 - Namushasha
Eftir morgunverð er ferðinni haldið áfram um Caprivi. Næsti áfangastaður er Zambezi-svæðið.
Zambezi-áin rennur í gegnum Caprivi og næsti gististaður okkar er við Bwabwata-þjóðgarðinn.
Eftir að okkur ber þar að garði komum við okkur fyrir, njótum góðs matar og eftir hádegi förum við í skipulagða safaríferð inn í Bwabwata-þjóðgarðinn.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
225 km | u.þ.b. 3 klst akstur
|
Safarí í Bwabwata
|
Dagur 12 - Chobe í Botsvana
Eftir morgunverð er ferðinni heitið aftur inn í Botsvana þar sem við njótum náttúrufegurðar Chobe-þjóðgarðsins.
Þegar við komum í búðirnar er í boði að fara í skipulagða ferð inn í Chobe-þjóðgarðinn í leit að áhugaverðum dýrum (innifalið). Í þetta skipti förum við í siglingu. Það er skemmtileg tilbreyting að fara í slíka safaríferð á vatninu, býður upp gerólíka sýn á dýralífið og er sérstaklega gaman að fylgjast með fílunum sem leika sér og baða sig í vatninu.
Kvöldverður snæddur í búðunum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
255 km | u.þ.b. 3,5 klst. akstur
|
1 safaríferð í Chobe
|
Dagur 13 - Chobe í Botsvana
Fyrir og eftir hádegi gefst kostur á að fara í tvær skipulagðar ferðir inn í Chobe til að skoða dýralífið í þessum einstaka þjóðgarði. Hann er rómaður fyrir að bjóða upp á einhverjar áhugaverðustu safaríferðir sem völ er á í heiminum. Yfir 75 dýrategundir eru á svæðinu og algengt er að finna gíraffa, afríska buffla, hlébarða, blettatígra og antílópur sem nefnast Bushbucks, ásamt ótölulegum fjölda annarra dýra- og fuglategunda.
Miklar líkur eru á að sjá heilu fílahjarðirnar.
Kvöldverður snæddur í búðunum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
2 safaríferðir í Chobe
|
Dagur 14 - Viktoríufossar, Simbabve
Eftir morgunverð höldum við yfir landamærin til Simbabve. Næsti áfangastaður eru Viktoríufossarnir mikilfenglegu. Misjafnt er hversu vel gengur að komast yfir landamærin og því getum við ekki sagt nákvæmlega hversu langan tíma tekur að komast að Viktoríufossum. Aksturinn sjálfur er ekki nema um 1-2 tímar.
ATH: Íslendingar þurfa vegabréfsáritun til að komast til Simbabve og við sjáum um það á landamærunum en kostnaður er ekki innifalinn. Gera má ráð fyrir að áritunin kosti um það bil 55 Bandaríkjadali á mann.
Eftir komu í hótelið verður hádegisverður snæddur þar og að honum loknum er dagurinn frjáls. Ef tími gefst til verður hægt að velja um fjölda afþreyingarkosta sem hægt er að bóka á hótelinu. Fararstjórinn spásserar að öllum líkindum yfir brúna til Sambíu þennan dag til að upplifa fossana þeim megin frá. Allir sem vilja geta komið með og þar með bætt við fimmta landinu í ferðina! (Ekki innifalið, hver og einn ferðalangur velur hvort hann vill bæta við kostnaði við akstur og aðgang að þjóðgarðinum)
Eitt af því skemmtilega við þennan dag er að fá sér morgunverð í Botsvana, hádegisverð í Simbabve og spássera svo til Sambíu: þrjú lönd á einum degi.
Frá hótelinu er útsýni yfir vatnsból og einnig er góð sundlaug við gistihúsið.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
84 km | u.þ.b. 2 klst. akstur
|
Valfrjálst: skemmtiganga til Sambíu
|
Dagur 15 - Viktoríufossar
Eftir morgunverð er farið í skipulagða ferð um Viktoríufossa. Að loknum hádegisverði í búðunum er frjáls tími og hægt er að velja um fjölda afþreyingarkosta á svæðinu eða bara slaka á og njóta sundlaugarinnar.
Kvöldverður er á veitingastaðnum Boma sem er með fjörugu ívafi, býður upp á trommudansa og fleira.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
Viktoríufossar
|
Dagur 16 - Viktoríufossar
Þetta er frjáls dagur til að njóta þess sem svæðið hefur upp á að bjóða. Hægt er að bóka fjöldann allan af ferðum, til dæmis þyrluflug yfir fossana, flúðasiglingu, zipplínuævintýri, teygjustökk, fílasafarí og margt fleira.
Um kvöldið höldum við í sólseturssiglingu á ánni Zambezi, fyrir ofan fossana.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
|
