Madagascar
Ferðalag til Madagaskar þýðir að ferðast til öðruvísi áfangastaðar, spennandi, frumlegan, magnaðan og ósnortinn að miklu leyti. Þar býr hinn frægi lemúr sem aðeins finnst í Madagaskar og á nærliggjandi eyjum
Þetta einstaka land og íbúar þess taka á móti ferðamönnum opnum örmum og með forvitni þess sem ekki er svo vanur ferðamannastraumi.
Madagaskar er fjórða stærsta eyja í heimi með mikla sögu og menningu, fjölbreytt og litskrúðugt mannlíf, dýralíf og náttúru og er paradís fyrir ljósmyndara sem og aðra ferðamenn.
Madagaskar er stórfengleg, litskrúðug og fjölbreytt og við erum stolt af að geta boðið þér að upplifa hana.
Ath. að það er bæði mikill akstur í ferðinni og göngur sem mun reyna á líkamann svo það er mikilvægt að vera í hæfilega góðu formi
Dagur 1 - brottför & koma til Madagascar
Brottför er frá Keflavík klukkan 00:45 þann 09 September
22:25 þann sama dag – lent í Antananarivo með flugi Air France þar sem innlendur leiðsögumaður mun hitta hópinn.
Keyrt til okkar fyrsta gististaðar stuttan spöl frá flugvellinum. Frábært hótel til að njóta og slappa af eftir langt flug.
| Gisting | Máltíðir | Akstur | Innifaldar ferðir |
|---|---|---|---|
|
|
Innan hálftíma akstur til hótels
|
|
Dagur 2 - Morondava
Um morguninn höldum við til baka á flugvöllinn og tökum rúmlega 1 klst flug til Morondava.
Flogið til Morondava þar sem Sakalava ættbálkurinn er ráðandi.
Snæddur hádegisverður við komu, og restin af deginum er notið í afslöppun og kvöldverður á hótelinu.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
1 klst flug
|
|
Dagur 3 - Morondava til Kirindy
Við keyrum út úr Morondava í átt að hinni frægu „Allée des Baobabs“ á leiðinni til Kirindy. Við eyðum tíma okkar þar og fáum nokkrar fallegar myndir af stórkostlegu landslagi.
Við keyrum nokkra kílómetra áður en við komum að Kirindy friðlandinu. Þessi þurri skógur hefur flestar tegundir lemúra á eyjunni, og við munum reyna að verða vitni að því sjálf og vonandi sjá nokkrar tegundir lemúra.
Hádegisverður verður snæddur áleiðis og kvöldmatur á hótelinu.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
70 km | ca. 2.5 klst
|
|
Dagur 4 - Kirindy til Morondava
Um morguninn förum við í gönguferð um skóginn til að skoða dýralíf og gróður svæðisins. Ef heppnin er með okkur gætum við rekist á Fosa, stærsta dýr landsins.
Hádegisverður á friðlandinu.
Við förum í gegnum hina frægu „Allée des Baobabs“ rétt áður en við komum til Morondava bæjarins og á besta tíma, sólin er að setjast og baobab slétturnar endurspegla appelsínugult sólarlagið. Hér er kjörið tækifæri til að taka ótrúlegar ljósmyndir af hinum frægu Baobab trjám.
Kvöldverður á hótelinu
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
70 km | ca. 2.5 klst
|
|
Dagur 5 - Antsirabe
Við förum frá Morondava í Sakalava héraðinu og höldum til Antsirabe.
Landslagið mun breytast á þessum akstri, frá þurru landslagi Sakalava héraðsins til hrísgjrónasléttunnar í Menabe. Dagurinn mun einkennast af fallegu landslagi slétta og fjölmörg lítil þorp á leiðinni. Við munum njóta akstursins og gera mörg hlé áleiðis, fyrir myndatökur og hitta innfædda.
Hádegisverður í Miandrivazo og kvöldverður á hótelinu
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
510 km | ca. 8-9 klst
|
|
Dagur 6 - Antsirabe til Ranomafana
Nú er ferð okkar heitið suður á við. Í bænum Ambositra munum við skoða fornminja verslanir Zafimaniry ættbálksins. Hér fáum við tækifæri til að versla okkur flotta minjagripi gerða úr viði. Við röltum um þorpið áður en ferðinni er heitið til Ranomafana.
Nú erum við komin í Betsileo hérað, og við höldum í átt hæstu punkta hásléttunnar á Madagaskar. Nú erum við komin í regnskógana, og við komu á hótelið snæðum við kvöldverð.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
240 km | ca. 5 klst
|
|
Dagur 7 - Ranomafana þjóðgarðurinn
Eftir morgunmat keyrum við til Ranomafana þjóðgarðsins.
Ranomafana þjóðgarðurinn er eitt fallegasta skógi vaxna landsvæðið í Madagascar. Við munum kanna þetta svæði með innfæddum leiðsögumanni til að fá sem mest úr heimsókninni.
Þarna eru margar tegundir lemúra ásamt einstöku gróðurlífi sem inniheldur margar staðbundnar og sjaldgæfar plöntur ásamt lækninga- og nytjaplöntum.
Kvöldverður er snæddur á hótelinu eftir viðburðaríkan dag.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Allur dagurinn
|
|
Dagur 8 - Ranomafana - Ambalavao - Ranohira
Við yfirgefum hálendið.
Í Ambalavao heimsækjum við Antemoro pappírsverksmiðjuna. Ferlið við að búa til þennan pappír með berki mórberjatrésins Avoha (Bosqueia danguyana) var kynnt á Madagaskar á XV. öld af þeim fyrstu Arabísku innflytjendum við að endurrita Kóraninn. Það er enn gert með sömu ferlum í Ambalavao.
Í Anja friðlandinu vonumst við til að hitta nokkra lemúra.
Við höldum áfram til suðvesturs og förum inn í Bara-svæðið. Við förum yfir stærstu hásléttu Madagaskar með risastórum termítahreiðrum: það er IHorombe. Við komum til Ranohira sem er skammt frá Isalo fjallinu og þjóðgarðshliðinu
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
350 km | ca. 7 klst
|
|
Dagur 9 - Isalo þjóðgarðurinn
Eftir morgunverð er stuttur akstur til fjallsróta Isalo.
Við byrjum gönguna í rólegheitum, í gegnum stórfenglegt landslag skorið af djúpum gljúfrum, með náttúrulaugar, fjölbreyttan gróður og tilkomumikið bergrof.
Hægt er að taka útsýnisgöngu upp á tindana.
ATH: Göngur verða hafðar við hæfi hvers og eins og mögulega verður hópnum skipt upp – ath þó að það er lágmark 2 klst ganga í dag.
Við munum stoppa í Tapia skóginum til að borða hádegisverðarpakka.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
2-6 klst, eftir hvað hver og einn kýs
|
|
Dagur 10 - Ranohira - Zombitse - Ifaty
Eftir morgunmat höldum við suður þar til við komum að sjónum.
Við förum yfir Ilakaka safír smábæ þar sem meira en 100 000 manns hafa dregist að gimsteininum síðan 1998.
Við stoppum við Zombitse þjóðgarðinn í heimsókn.
Þrátt fyrir heitt og þurrt hitabeltisloftslags er Zombitse-garðurinn þakið mikilvægum gróðurmyndum. Þessi gróður er blanda þurrs laufskógar í vesturhluta Madagaskar og einkennandi þyrniskóga í suðurhluta. Svæðið samanstendur af óvenjulegum og mjög fjölbreyttum plöntum eins og Acacias, Aloe, Ficus, Pandanus og ýmsar tegundir af baobab, þar á meðal dverg baobab.
Mósambíksund sést langt í burtu áður en við komum inn í Tuléar. Við göngum um markaðinn og borðum hádegismat í bænum áður en við förum á ströndina við Ifaty
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
280 km | ca. 6 klst
|
|
Dagur 11 - Reniala Verndarsvæði
Eftir morgunverð er haldið í heimsókn til Reniala verndarsvæðisins.
Reniala er einkarekið verndarsvæði nálægt sjávarsíðunni, í Baobab skóginum í suðvestur hluta Madagaskar. Verndarsvæðið er um 60 ferkm.
Þetta svæði býður upp á einstakt gróður- og dýralíf með meira en 1000 landlægum plöntutegundum sem aðlagast hafa hinu þurra loftslagi, fjölda staðbundinna fugla og skriðdýra, skjaldbökur, eðlur, snákar, svo fátt eitt sé upptalið.
Gengið tilbaka til hótelsins fyrir hádegisverð. Frjáls tími seinnipart dags.
| Gisting | Máltíðir | Akstur | Innifaldar ferðir |
|---|---|---|---|
|
M. H. K
|
Hálfs dags ferð
|
|
Dagur 12 - Ifaty - Antananarivo (Tana)
Dagurinn er frjáls til slökunar við ströndina.
Eftir hádegi er haldið til flugvallarins þar sem flogið er til Antananarivo klukkan 18:25 og lent klukkan 20:15.
Kvöldverður snæddur á hótelinu
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
1 klst flug
|
|
Dagur 13 - Nosy Be
Eftir morgunverð heimsækjum við eftir bæinn með leiðsögumanni.
Við förum gangandi í átt að efri bænum, stutt ganga til að uppgötva gamla bæinn fullan af sögu í gegnum margar þröngar götur og tröppur í kringum drottningarhöllina.
Hádegisverður í efri bænum og síðan haldið á flugvöllinn.
Flug til Nosy Be kl. 16:30 – 18:15
Ath : Möguleiki á breytingum vegna flugáætlunar.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Sirka 2 klst flug
|
|
Dagar 14 - 16 - Nosy Be
Nú er um að gera að njóta síðusta dagana. Hér fáum við 3 heila daga í slökun við himneskar strendur Nosy Be.
Boðið er upp á fjölmargar tegundir afþreyinga, má þar nefna; margar tegundir vatnasporta, fiskitúr, eyjasiglingu, hjólreiðar.
Leiðsögumaðurinn verður boðinn og búinn að aðstoða við val á afþreyingum.
Hádegisverður og kvöldverður er innifalinn á hótelinu alla daga.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
|
Dagur 17 - Antananarivo (Tana)
Haldið til flugvallarins eftir góðan morgunverð og síðasta sundtúrinn í hinu magnaða blágræna vatni Nosy Be.
Flug til Antananarivo kl. 15:00 – 16:45
Haldið til hótelsins þar sem kvöldverður er snæddur.
Ath : Möguleiki á breytingum vegna flugáætlunar.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
|
Dagur 18 - Tana, Ambohimanga Blue Hill
Eftir morgunverð er haldið í heimsókn til Ambohimanga the Blue Hill sem er helgur staður, skráður í heimsminjaskrá Unesco.
Þarna var vagga Merina konungsveldisins fyrir nýlendutímann. Við mundum skoða staðinn í fylgd innfædds leiðsögumanns sem mun segja okkur hina merku sögu Merina ættarveldisins.
Eftir heimsóknina er haldið tilbaka til hótelsins þar sem restin af deginum er frjáls og síðan haldið til flugvallarins um kvöldið.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
|
