Tansanía - Safari & Sansibar
Ógleymanleg upplifun í hinum fjölbreyttu þjóðgörðum Tansaníu, slökun & ævintýri á Sansibareyju í Indlandshafi.
Upplifðu það besta sem er í boði í Tansaníu í einni ferð!
Dagur 1 – Brottför
Dagur 2 – Koma til Tansaníu
Dagur 3 – Tarangire
Dagur 4 – Ngorongoro
Dagur 5 – Serengeti
Dagur 6 – Serengeti
Dagur 7 – Serengeti
Dagur 8 – Viktoríuvatn
Dagur 9 – Viktoríuvatn
Dagur 10 – Sansibar
Dagur 11 – Sansibar
Dagur 12 – Sansibar
Dagur 13 – Sansibar
Dagur 14 – Sansibar
Dagur 15 – Brottför
Dagur 16 – Heimkoma
Dagur 2 - Komið til Tansaníu
Velkomin til Tansaníu!
Meira en 120 ættbálkar búa í Tansaníu, einn af þeim er Maasai, þekktur þjóðflokkur sem lifir einnig í Kenía. Innfæddir íbúar landsins eru mjög stoltir af því hvernig þessir mörgu ættbálkar, með ólíka siði og menningu, lifa í sátt, virðingu og friði og þeir telja það helstu ástæðu velfarnaðar Tansaníu.
Við komu til Kilimanjaro flugvallar hittum við innlendan bílstjóra og keyrum til Kirurumu við Tarangire þjóðgarð, þar sem restin af deginum fer í hvíld eftir langt ferðalag.
| Gisting | Máltíðir | Akstur | Innifaldar ferðir |
|---|---|---|---|
|
H, K
|
155 km | u.þ.b. 3,5 klst akstur
|
|
Dagur 3 - Tarangire
Morguninn er frjáls.
Eftir hádegi er farið í safarí inn í Tarangire þjóðgarð. Tarangire er þekktur fyrir miklar fílahjarðir og baobab tré. Mikil fjölbreytni er af dýrum í þjóðgarðinum, t.d. fílar, ljón, hlébarðar, buffaló, sebrahestar, gíraffar og antilópur.
Eftir safarí ferðina er notið kvöldverðar í búðunum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Safarí
|
Safaríferð í opnum trukk
|
Dagur 4 - Ngorongoro gígur
Eftir morgunverð keyrum við inn á Ngorongoro-verndarsvæðið.
Við byrjum á því að heimasækja Maasai þorp og kynnast menningu þeirra.
Við ökum svo niður í sjálfan Ngorongoro-gíginn, sem er stærsta óvirka og ósnortna eldstöð heims, 300 ferkm svæði þar sem um 30.000 dýr eiga heima. Ngorongoro myndaðist fyrir um 2-3 milljónum ára þegar stórt eldfjall sprakk, féll saman og myndaði þennan gríðarstóra gíg.
Það er mikil upplifun í sjálfu sér að aka niður í gíginn og skoða dýralífið í honum. Það sem er einnig sérstakt við Ngorongoro er að Maasai-fólkið lifir þar í samfélagi við villta dýralífið og náttúruna. Fólkið hefur leyfi frá ríkisstjórninni til að búa á svæðinu, það er meðal annars þess vegna sem Ngorongoro er ekki þjóðgarður heldur kallast verndarsvæði.
Eftir þessa ævintýralegu safaríferð er haldið í búðirnar og kvöldverður snæddur.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
155 km | u.þ.b. 4 klst akstur ásamt safarí
|
Maasai þorp + Safaríferð í opnum trukk
|
Dagur 5 - Serengeti
Eftir morgunverð höldum við inn í Serengeti-þjóðgarðinn heimsfræga.
Serengeti er stórt svæði sem nær yfir norðanverða Tansaníu að landamærum Kenía og þar er eitt af elstu vistkerfum jarðar. Serengeti-þjóðgarðurinn er nær 15.000 ferkílómetra stór . Hann er einkum þekktur fyrir árstíðabundnar ferðir gríðarstórra hjarða grasbíta milli búsvæða, „great migration“ á ensku. Þessum ferðum hjarðanna miklu er lýst sem einu af sjö náttúruundrum Afríku og einu af tíu helstu ferðaundrum veraldar. Nafnið „Serengeti” er sagt vera dregið af orðinu „seringit” á Maasai-tungumálinu, sem þýðir „endalausar sléttur”.
Við nýtum daginn í safaríferð áður en við komum að mögnuðum búðum sem nefnast „Bush Rovers Camp”. Þetta eru Land Rover-bílar sem hafa verið gerðir að gististað. Bílarnir eru færðir á milli svæða í Serengeti-þjóðgarðinum til að fylgja stórfenglegum ferðum hjarðanna miklu milli búsvæða. Hundruð þúsunda dýra, aðallega gnýja og sebradýra ásamt miklum fjölda antilópa, mynda risastórar hjarðir sem færast réttsælis milli Serengeti og Masai Mara-þjóðgarðsins í leit að betri bithögum. Þetta er sjón sem ekki er hægt að lýsa, hana verður að upplifa.
Hér er gist í hjarta þjóðgarðsins með dýralífið allt um kring, hér eru það dýrin sem ráða ferðinni og við manneskjurnar verðum að laga okkur að háttum þeirra.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Safarí
|
Safaríferð í opnum trukk
|
Dagur 6 - Serengeti
Framundan er enn einn yndislegi dagurinn í Afríku. Eftir morgunverð er haldið af stað í opnum safarítrukk til að upplifa dýralífið í Serengeti.
Eftir að við komum aftur í Bush Rover Camp gefst tími til að slaka á, sitja á verönd bílsins og njóta umhverfisins og dýralífsins í kringum búðirnar. Ef við erum heppin sjáum við risastórar hjarðir gnýja á endalausum ferðahring sínum rétt hjá búðunum. Um kvöldið njótum við sólsetursdrykkjar í kringum varðeld fyrir kvöldverð eða eins og innfæddir kalla það: „Bush TV“.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Safarí
|
Safaríferð í opnum trukk
|
Dagur 7 - Serengeti
Frá Bush Rover keyrum við inn í miðjan Serengeti þjóðgarð og höldum áfram að upplifa hið magnaða dýralíf Serengeti.
Við komu í búðirnar er notið kvöldverðar og slakað á.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
Safarí
|
Safaríferð í opnum trukk
|
Dagur 8 - Viktoríuvatn
Eftir morgunverð ökum við til næstu tjaldbúða okkar sem eru við Viktoríuvatn, Little Okavango-búðir.
Eftir að við komum í búðirnar njótum við góðs matar í hádeginu og seinni partinn verður hægt að fara í fuglaskoðun eða kanóferð. Búðirnar eru þekktar fyrir einstakt fuglalíf, sem kemur til vegna nálægðar við Viktoríuvatn, og er hægt að njóta þess frá útsýnisstöðum í sjálfum búðunum eða fara í fuglaskoðunargöngu með reyndum leiðsögumanni.
Búðirnar eru reistar á staurum á papírussefsvæði Viktoríuvatns. Ekki er óalgengt að vakna við flóðhesta þegar þeir skvampa við búðirnar eða fílahjörð sem stelst í uppskeru bændanna í kring.
Um kvöldið njótum við sólseturs við varðeld áður en við snæðum kvöldverð.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
200 km | u.þ.b. 4,5 klst akstur - ásamt safarí
|
Safarí áleiðis, fuglaskoðun eða kanóferð
|
Dagur 9 - Viktoríuvatn
Við vöknum snemma og fáum okkur kaffi/te áður en haldið er til Speke Bay, staðar sem er nefndur eftir John Hanning Speke, fyrsta Evrópumanninum sem kom til Viktoríuvatns í leit að upptökum Nílar.
Við heimsækjum Mwaburugu, heillandi þorp við Viktoríuvatn, heimkynni Sukuma-ættbálksins. Við eyðum góðum tíma á ströndinni til að kynnast þeirri miklu veiðimenningu sem hefur þróast á þessum slóðum, skoðum trébáta heimamanna, sem eru listasmíði, og iðandi mannlífið þegar þorpsbúar og fólk annars staðar frá kemur til að kaupa ferskan fisk. Við röltum einnig um þorpið og kynnumst mannlífi og menningu þessa heillandi svæðis. Yfirleitt verður á vegi okkar krakkahópur sem finnst við mjög spennandi, börnin vilja oft halda í höndina á okkur og þannig getur myndast halarófa af krökkum sem leiðast og halda fast í höndina á okkur.
Eftir heimsóknina siglum við til baka áleiðis að búðunum. Á leiðinni heimsækjum við Little Okavango-turninn þar sem við snæðum snemmbúinn hádegisverð og njótum ótrúlegs útsýnis yfir vatnið frá turninum áður en haldið er til baka að búðunum.
Eftir komu í búðirnar gefst tími til að slaka á og í boði er gönguferð um svæðið með innlendum leiðsögumanni fyrir þá sem vilja.
Kvöldverður snæddur í búðunum.
| Gisting | Máltíðir | Akstur | Innifaldar ferðir |
|---|---|---|---|
|
M, H, K
|
|
Hálfs dags ferð í fiskveiðiþorp með siglingu
|
Dagur 10 - Sansibar
Eftir morgunverð ökum við til Mwanza-flugvallar og fljúgum þaðan til Sansibar (með viðkomu í Dar es Salaam), dulúðugs eyjaklasa um 50 km frá meginlandi Tansaníu. Á eyjaklasanum er að finna hvítar sandstrendur, suðupott ólíkra menningarheima og staði sem eiga sér sterka sögu, þar sem þrælahald fyrri alda á stóran og myrkan þátt. Eyjaklasinn gengur einnig undir nafninu Kryddeyjar vegna fjölbreytni í kryddjurtum sem vaxa þar, en einnig vex ótölulegur fjöldi annarra jurta og ávaxta á Sansibar.
Eftir ævintýralegar safaríferðir um magnaða þjóðgarða Tansaníu er komið að því að njóta Sansibar, hvítra stranda, grænblás sjávar, sólsetra við sjóndeildarhring hafsins og fjölbreytts matar og drykkja.
Gist verður á frábæru hóteli, Zanzibari Hotel, sem er á norðurhluta Sansibareyju. Við komu á eyjuna hittum við innlendan bílstjóra sem ekur okkur að hótelinu.
Frá Zanzibari Hotel er magnað útsýni yfir grænblátt Indlandshafið. Á hótelinu er afslappað andrúmsloft en það býður jafnframt upp á fjölda ferða. Við mælum með ferð til Nungwi-þorpsins með Nzori, sem er kallaður „herra Nungwi”. Hann þekkir alla í þorpinu og er stórskemmtilegur sögumaður. Einnig er boðið upp á svokallaðan Kryddtúr (Spice Tour) um eyjuna og bátsferðir við sólarlag svo fátt eitt sé nefnt. Hótelið er þekkt fyrir frábæran fjögurra rétta matseðil sinn og fátt toppar það að fá sér kokkteil á barnum og horfa yfir pálmatrén og grænblátt Indlandshafið.
Nú taka við nokkrir frjálsir dagar og hægt er að slaka á við sundlaugina eða á ströndunum, eða bóka einhverja af þeim fjölbreyttu ferðum sem eru í boði fyrir þá sem vilja (ekki innifalið). Til dæmis bæjarferðir, kryddferðir, köfun, snorkl, sólarlagssigling og margt fleira.
| Gisting | Máltíðir | Akstur | Innifaldar ferðir |
|---|---|---|---|
|
M, K
|
150 km | u.þ.b. 3,5 klst. Á Sansibar 65 km | u.þ.b. 1,5 klst
|
|
Dagar 11 - 14 - Sansibar
Framundan eru nokkrir yndislegir dagar á þessari einstöku eyju og er um að gera að njóta þeirra, t.a.m. sóla sig á hvítum ströndunum, fara í skoðunarferð eða skella sér í sjósport, þitt er valið.
Á einum af dögunum er innifalin ferð inn í Stone Town, gamla bæinn í Sansibarborg.
Við nýtum daginn í skoðunarferð um Stone Town, sem er á heimsminjaskrá Unesco, og siglum til Prison Island.
Stone Town er suðupottur ólíkra menningarheima arabalanda og Afríku með skvettu af evrópskum áhrifum. Við röltum um þröng stræti gamla bæjarins, dáumst að litríkum stíl heimamanna og skoðum Stone Town-hurðirnar frægu. Við fræðumst um sögu Stone Town, þar með talið þrælatímabilið og hvernig Sansibar var tengistöð Austur-Afríku við umheiminn.
Eftir þessa áhrifaríku og skemmtilegu skoðunarferð siglum við til eyjunnar Prison Island sem dregur nafn sitt af því að nota átti hana sem fangaeyju fyrir uppreisnargjarna þræla. Lítið varð úr þeim fyrirætlunum, reist var fangelsi á eyjunni árið 1894 en engir fangar voru vistaðir þar. Eyjan var síðar notuð sem sóttkví en er núna vinsæll ferðamannastaður.
Eyjan er þekkt fyrir risaskjaldbökur, elsta skjaldbakan er talin yfir 190 ára gömul og eitt elsta lifandi dýr heims. Breski konsúllinn á Seychelleseyjum gaf fjórar risaskjaldbökur til eyjanna árið 1919 og þær döfnuðu vel og fjölguðu sér. Nú eru yfir 100 risaskjaldbökur á eyjunni.
Við borðum dásamlegan hádegisverð (innifalið) á Nakupenda-ströndinni, sem er talin ein af bestu ströndum Sansibar og er úr mörgum að velja.
| Gisting | Máltíðir | Akstur | Innifaldar ferðir |
|---|---|---|---|
|
M, K
|
|
Stone Town, Nakupenda & Prison Island á einum af dögunum.
|
Dagur 15 - Brottför
Við njótum síðasta dagsins okkar á Sansibar, en brottför er ekki fyrr en klukkan 22:45 um kvöldið.
Við skráum okkur út af hótelinu kl 10:00 en hópurinn heldur einu herbergi til að geyma töskur og allir geta farið í sturtu þar fyrir brottför.
Flogið til Íslands með tengiflugi frá Doha og Kaupmannahöfn.
| Gisting | Máltíðir | Akstur | Innifaldar ferðir |
|---|---|---|---|
|
|
M
|
65 km | u.þ.b. 1,5 klst akstur
|
|
